BUHAY IRREGULAR STUDENT

BUHAY IRREGULAR STUDENT

Isa ka ba sa mga irregular student noon o ngayon? Kung ganon naranasan mo na pa lang madismaya, maiwan, bumawi at nag-pursige uli? Ang pagiging irregular student ay di nalalayo sa pagiging regular student sapagkat unang-una ‘I’ saka ‘R’ lang naman ang kanilang ipinagkaiba pero isali mo narin pala ang schedule, section at load ng subjects ngunit tulad ng isang ordinaryong estudyante iisa lang din ang pinapangarap nila at iyon ay ang makapaglakad sa intablado suot ang itim na toga na hawak-hawak ang puting diploma at sabay papalakpakan ng madla.  Halika’t tuklasin natin ang buhay ng isang Irregular student.

Ako si Kada isang solid irregular student labing-siyam na taong gulang at nasa ikalawang taon na sa kursong Medical Laboratory Science. Sakto lamang ang tangkad, sakto ang bigat kaya sakto lang din ang ganda, mabait, matalino, pursigido at tiyak masasamahan ka sa kahit na anong biro yung tipong “ikaw lang sapat na”. Mag-iilang taon narin nang lumipat ako mula sa dati kung kursong Psychology. Di ko kasi inasahan na hindi pala pag-aaral ng isip ang gusto ko pag-eexamine pala ng dugo. Kung kaya’t sa pagkakataong ito hayaan nyong ibahagi ko sa inyo ang apat na bagay na natutunan ko sa panahong naging katulong ko ang aking sarili at kasangga ang aking mga kaklase.

 Una, DISMAYA, yan yung feeling na ginawa mo nang lahat pero di parin pala sapat, Pak Genern! Nadismaya ako sa sarili ko dahil feeling ko na dismaya ko rin ang aking magulang. Sa ilang taon ko kasi sa dati kong kurso pinilit kong gustohin sya, pinag-aralan ko ng mabuti, sa tuwing nag-kukwentuhan ang aking mga kaklase tungkol sa future job namin nakikisali talaga ako para sakaling ma-inspire ako at gugustohin ko nalang na ipagpatuloy. Nang isang araw may babaing lumapit sa akin naka-senior uniform syang puti at may dala-dalang box parang ‘first aid kit’ tapos sabi niya “gang pwede ko mangayog dugo sa imu?” napaisip ako sandali siguro medical student itong si ate, nakakahiya naman kung tatangi ako kawawa din kasi yung mukha niya para bang dugo ko na lamang ang tanging paraan para maisalba ang kanyang pamilya. #DUGO BAYANI KA.  Ewan ko pero parang nakikita ko ang sarili ko sa kanya iba yung feeling. Matapos noon, humagilap ako ng mga impormasyon sa social media, tumingin-tingin ng mga videos tungkol sa pagiging Medtech. Tuloyan na talaga akong nawalan ng gana sa dati kong kurso, hindi nako nag-eexcel kaya minabuti ko nalang kausapin ang aking magulang dahil mukhang napapasin narin nila. Sinabi kong lahat-lahat pati ang pag-memedtech. Buong akala ko ay papagalitan ako, titira sa nalang sa bangketa, manglilimos at na di makakain ng “Burger with Fries”. Pero nagkamali ako kinausap ako ng magulang ko at tinulungang maasikaso ang lahat. Hindi pala sapat na gusto mo lang yung isang bagay dapat mahal mo, kasi pwede mo namang gustohin ang lahat, pero di lahat pwede mong mahalin.

Pangalawa, Maiwan. Ayan nag simula na ang pagiging irregular student ko, masaya ako dahil sa wakas gagawin ko na ang nakikita ko lang sa iba noon. Unang salang ko palang sa bago kong kurso parang hindi pala madali, subalit ginaganahan parin akong mag-aral, iba din kasing sayang hatid ng aking mga kaklase. Ngunit lahat pala nang kasiyahan ay may hangganan. Madalas kasi naiiwan ka sa mga announcement, nakakalimutan kang itext o ma-inform man lang. Kailangan mo ding ipagkasya ang time sa tuwing mag mamake-up class sa ibang subject, minsan nga yung malapit kana sa inyu ilang lakaran nalang saka pa darating ang magandang balita na may make-up class kayo, kaya syempre mabait kang bata kaya di kana lang a-attend.

Pangatlo, Bumawi. Syempre bilang magandang estudyante tungkulin natin na hindi sumuko sa kahit na anong pagsubok dapat LABAN LANG! tanggapin nang buong-buo ang pagkakamali at hayaan ang sariling magsimula uli gumawa nang mga solusyon at gawing aral ang bawat nangyari sa nakaraan. Tulad ko dahil lagi akong nalalate sa mga announcements hiningi ko nalang number nilang lahat, nakaka-free panghokage ka pa, O diba ayos?. Kung hindi na kasya sa phone mo ang mga number nila e-erase mo nalang number nang boyfriend/girlfriend mo sabagay memorize mo naman yan. Ugaliin ding makinig sa bawat anunsyo at mag tanong sa mismong nag-aanunsyo upang sa ganon tiyak ang impormasyong nakarating sa iyo.

Panghuli, Pursige. Sa English “persevere” yan yung, ilan mang sakit ang idulot nya sayo, maka-ilang beses mang deadmahin niya lahat ng effort mo at iparamdam na wala kang halaga, andyan ka parin handang ipaglaban sya.  “Keep the fire burning” yan yong parati kong naririnig na pang-encourage nang mga guro.  Bilang isang irregular student, pinapanatili kong positibo ang lahat iniisip ko kung sino ang inspirasyon ko at kong ano ang rason bakit ginagawa ko itong lahat. Kapag pursigido ka kasi dyan mo malalaman kung ano ang sukat ng lakas mo kung gaano ka lakas ang tiwala mo sa Diyos at sa iyong sarili. At sa panghuli pag pursigido ka, alam mong may mararating ka.

Kaya kung irregular student ka man ngayon o simula pa noon, wag kang mabahala andyan naman ang iyong pamilya na todo ang suporta, mga kaklaseng di man halata pero nag-cacare yan sila at higit sa lahat ang panginoon na palagi mong kasama sa laban. Kaya kung may kakilala man kayong irregular students tulungan natin silang wag malunod sa dismaya, wag maiwan, hayaang bumawi at mag pursige uli. At hayaan nyong gawin nating lima ang mga karanasan ng isang irregular student at yun ay:

“Nadismaya, Naiwan, Bumawi, Nag-pursige at Nakapagtapos”.