PAGSUGOD

PAGSUGOD

Usa ka tikang nalang sabay sa tingog sa automatikong purtahan, “Maayong pag-abot sa lungsod sa Davao” mao kana ang karatulang musugat sa imong mata, pakapinan pa sa dagsa sa mga tao, ugong sa mga sakyanan, malahigante nga mga malls, hospitals, trabahuan, eskwelahan ug mga pagkaonan sa kadaplinan tinood gyud nga “Davao Life is here” tungod kay ang kalambo ug kahapsay maoy garbo sa ilang dakbayan. Ug sa pilahon spa ka lakang ug sakayan maabot naka sa mas espesipikong lugar ang BANGKEROHAN diin tu-a ang boarding house nga imong pagapuy-an ug skwelahan nga maka-uban nimu sa makadaghang bulan.

Naandan na nga pag first day sa klase panahon pa sa kanya-kanyang OOTD ug OPLAN “pangitaay” pangitaayg room, pangitaayg teacher, pangitaayg estudyante ug pangitaayg friends. Mao nang di kalikayan nga sa First day of class naa juy ma-late, kay nasaag. Kung nakapansin mo panahon pa pud na sa KAHILOM, kahilom sa inyong room, gamay lang ang ga saba mutingog lang kong paila-ila portion na o kung magpiliay ug officers, usahay magtinay-away pa kung kinsa ang mag- preside, so ang resulta kung kinsa tung ga-conduct og ga saba-saba sila pud ang ma-pilian.

Pipila napud ka bulan ang milabay ug level-up nasad imung kasinatian, kung sauna naa pay hilak-hilak ug ma-overwhelm pag sobra kung maka-uli, karon madala nalang ug smile. Kung inyong seksyon sauna “Silent Sanctuary” pa ang feels karon “Rock baby Rock” na. UG sa panahon nga ting exam kanya-kanyang ritual ang mahibal-an, ang uban green coffee dayon ang daganan pero naa pu’y uban nga timbahay nalang, imbes na ‘cake’ cupcake-cupcake nalang. Di napud katingalahan kung sa kana pong mga adlaw halos tanang convenience store sold-out na ang kape kay kana usa sa mga diskarte. Ug sa panahong pahumanay na ang exam tanan mo magkahiusa sa storyang “Bawi nalang ta sa midterm bai”.

Di pud mawala ang mga problema labaw nag hisgutan ang pagkaon ug kwarta. Kung sauna ang mga fast food chains gina-adtuan lang kung naa kay lakaw sa downtown, karon level up na kay suki naka nila! Syempre halos malibot na nimo ang mga karinderya pati menu nila hapit na nimo mamimorize. Andama napud imong kaugalingon sa panahong hinay ang ani, na-delay ang sweldo ug taas ang pila sa bangko in short WALA pa kay allowance kay wala paka napadalhan. Naa pu’y sitwasyon na hapit na mugaan imong pitaka og minghoy na imong bulsa tungod sa urgent requirement. Sa higayong in-ani, “may awa ang Diyos” swerte ka kay naa ang imong amigo’ng lupig pa ang Bombay kung makapahuram ug pildihon pa ang naay amnesia kay limot-limotan lang niya.

Daghan ug kabaguhan labaw nag college life ang pagahisgutan, kini ang panahon nga maayong mang-gahot ug magtinarong, mahimong responsable sa mga butang, maminaw sa maestro o maestra para sa umaabot na panahon magamit ang experiensya. Kalisod, kahago ug kakapoy, kini dili malikayan apan naa ra sa imong maayong pag-atiman. Ug syempre tanang masinati nato isip kolehiyala kalipay man o kasakit atong hinumduman na kini adunay leksyon na makatabang dili lang sa pagpalambo sa atong kaugalingon pati usab sa atong katilingban. Karon, atong balikan ang pangutanang nganung lisod man jud makab-ot ang mga pangandoy?

            Kay diay suma pa sa ila "If you attained it so easily then you won't appreciate it. You appreciate most of the things around you when you invested blood, sweat, and tears from attaining it.” Mao nang Laban lang! sulit lagi na sa katapusan!